У Мінску кіроўца мікрааўтобуса ўрэзаўся ў машыну дарожнікаў — яе адкінула на двух рабочых

У Мінску кіроўца мікрааўтобуса ўрэзаўся ў машыну дарожнікаў, якую па інерцыі адкінула на двух рабочых службы. Яны ў бальніцы, паведамляе сталічная ДАІ.

12 лютага каля 11.10 45-гадовы кіроўца мікрааўтобуса Ford паблізу перасячэння вуліц Ванеева і Гараўца, праявіўшы няўважлівасць, урэзаўся ў «Газель» дарожнікаў. Яе па інерцыі адкінула на двух рабочых — 31 і 42 гадоў.

Яны атрымалі траўмы і дастаўленыя ў бальніцу.

Па факце ДТЗ праводзіцца праверка.