Літва найбліжэйшым часам не збіраецца закрываць новыя пункты пропуску на мяжы з Беларуссю, але такая мера не выключаная

Урад Літвы найбліжэйшым часам не плануе закрываць новыя пункты пропуску на мяжы з Беларуссю. Пра гэта расказала ў інтэрв'ю LRT прэм’ер-міністр краіны Інгрыда Шыманітэ.

Палітык падкрэсліла, што такія планы не выключаныя.

— Найбліжэйшым часам, вядома, не будзе ніякіх рашэнняў адносна закрыцця нейкіх дадатковых пунктаў пропуску, але ёсць цалкам лагічны план, у якім прапісанае скарачэнне колькасці пунктаў пропуску, праз якія можна перасекчы літоўска-беларускую мяжу, <…> да поўнага закрыцця, якое адбудзецца ўжо па ўзгадненні з іншымі краінамі,-сказала Інгрыда Шыманітэ.

Нагадаем, 28 жніўня кіраўніца МУС Літвы Агнэ Білатайтэ паведаміла, што яе ведамства прапануе закрыць яшчэ два пункты на мяжы з Беларуссю: «Лаварышкес» (з беларускага боку — «Катлоўка») і «Райгардас» («Прывалка»).

Яна адзначыла, што адпаведная прапанова МУС ужо сфармаваная, прыняцце рашэння па гэтым пытанні «мусіць быць найбліжэйшым часам».

Чытайце таксама