Адзін чалавек загінуў, яшчэ два атрымалі траўмы падчас сутыкнення легкавіка і аўтобуса ў Чэрвенскім раёне, паведамілі ў прэс-службе МУС.
Здарэнне адбылося 23 траўня каля 15.20 на трасе М4 Мінск — Магілёў. Паводле папярэдніх звестак, 44-гадовы кіроўца BMW не справіўся з кіраваннем і ўрэзаўся ў спадарожны школьны аўтобус МАЗ, у якім перавозілі семярых дзяцей.
У выніку ДТЗ кіроўца легкавіка ад атрыманых траўмаў памёр на месцы здарэння. Яго 42-гадовая пасажырка, а таксама 13-гадовая дзяўчынка з аўтобуса з цялеснымі пашкоджаннямі былі дастаўленыя ў бальніцу для ацэнкі стану здароўя.
На месцы ДТЗ працуюць супрацоўнікі ДАІ і следча-аператыўная група.