Беларуска купіла дзесяць зярнятак кавуна і ўжо разлічвала на ўраджай «паласатых», але ўсё не задалося з самага пачатку. З дзесяці зярнятак «праклюнулася» толькі адно, і гэта быў не кавун.
@alenanovik825 ♬ оригинальный звук — Alena P
«Купіла я вясной на Wildberries насенне кавуноў хуткаспелых, і расада не патрэбная, можна адразу ў зямлю тыкаць. 10 зярнятак прыехалі за 10 рублёў», — расказала жанчына.
Вывучыўшы матэрыялы пра гадаванне кавуноў, яна пасадзіла іх у розных месцах — бо недзе сцвярджалася, што для бахчавых найлепшая пясчаная глеба, недзе — што лепш за ўсё саджаць у агародзе.
«Вырасла толькі адно [зярнятка]. Я так даглядала. Я чакала яго, так чакала. І азотныя падкормкі, і для кораня падкормкі, і апырскванне па лісце магніем. І вось тры тыдні я не была на лецішчы. А сёння я прыехала, глядзіце, які мне Wildberries зрабіў сюрпрыз. Прывітанне, кавуночак, прыемна пазнаёміцца», — паказала жанчына вынік на відэа.
Большасць дасведчаных дачнікаў у каментарах заявіла, што зблытаць насенне кавуна і агурка немагчыма. Але знайшліся і «прыяцелі ў няшчасці».
- «Дзіўна вельмі, як можна пераблытаць насенне».
- «Пачакайце, можа, акругліцца».
- «Тут два варыянты — вы ніколі не елі агурка, вы ніколі не елі кавуна».
- «У мяне так з гарбузом было, і смех і грэх, лісцікі ў расады былі як у гарбуза, а выраслі такія агурочкі добрыя».