Расійскі блогер апублікаваў у TikTok ролік, у якім разам з таварышам папрасіў вытворцу малочных кактэйляў «Топ» (брэсцкая кампанія «Савушкін прадукт») пастаўляць гэтую прадукцыю ў РФ. Бо даводзіцца ездзіць 718 км з Масквы ў Мінск па гэтыя напоі, паскардзіўся хлопец. Увагу на ролік звярнула выданне Telegraf.news.
@kunyakin.sh ПРОШУ, УМОЛЯЮ. РАСПРОСТРАНИТЕ! #савушкин #топ #петиция ♬ оригинальный звук — kunyakin
— Я фанат напою «Малочны кактэйль „Топ“». Цяпер мы знаходзімся ў Расіі, Масква, станцыя метро «Авіяматорная». Вы разумееце, каб папіць малочнага кактэйлю, мне давялося ездзіць на адзін дзень у Мінск і набраць гэтых малочных кактэйляў, — расказаў ён.
І дадаў, што ў Расію няма ні афіцыйнага, ні «шэрага» імпарту гэтай прадукцыі.
— Іх тут няма, а я іх люблю. Мы вельмі, вельмі моцна просім: зрабіце, калі ласка, кактэйлі «Топ» часткай асартыменту любой расійскага крамы. Куды хочаце, толькі, калі ласка, завязіце «Топы» ў Расію, — заклікаў блогер, суправадзіўшы ролік подпісам «Прашу, малю. Распаўсюдзьце».
У каментарах хтосьці расказаў, што кактэйль нібыта бачылі і ў расійскім Смаленску.
— Нарэшце нехта падняў сапраўды важную тэму. Кожны раз даводзіцца з сабой вазіць, — паскардзілася іншая расіянка.
— Прычым, дарэчы, «Савушкін» пастаўляе іншую сваю прадукцыю ў РФ, а «Топ» — не, — падзяліўся назіраннямі яшчэ адзін карыстальнік TikTok.
Хтосьці расказаў, што напісаў на пошту кампаніі і яму адказалі наступнае:
«У 2024 годзе пастаўкі прадуктаў (кактэйляў і глазураваных сыркоў) пад брэндам „Топ“ у Расію не ажыццяўляюцца. Аднак мы актыўна прапрацоўваем магчымасць паставак гэтых прадуктаў на 2025 год».
Раней паведамлялася, што Рагачоўскі малочнакансервавы камбінат (МКК) выпусціў навінку — сухую малочную сумесь для прыгатавання марозіва. У ТікТок вытворца паказаў, як можна ўжываць прадукт акрамя гэтага. Аднак у беларусаў узнікла шмат пытанняў.
Чытайце таксама
