Курс продажу банкамі еўра перавысіў адзнаку 3,5 рубля, а даляра — 3,2 рубля. Гэта адбываецца на фоне падаражання гэтай валюты на таргах Беларускай валютна-фондавай біржы.
10 жніўня таргі еўра на Беларускай валютна-фондавай біржы не праводзяцца (прынамсі, на момант выхаду гэтага тэксту). Нагадаем, 9 жніўня гэтая валюта дадала 0,97% і вырасла да 3,46 рубля. На гэтым фоне сёння некаторыя банкі паднялі курс продажу еўра вышэй за адзнаку 3,5 рубля.
Пры гэтым даляр на таргах 10 жніўня працягвае даражэць, па стане на 11.51 ён дадаў 0,03% і вырас да 3,1798 рубля.
Самы высокі курс продажу банкамі еўра — 3,52 рубля («Прыёрбанк», «Цэптэрбанк»), а самы нізкі — у «БНБ-Банк», «Статусбанк» (3,49 рубля).
Удакладнім, што ў розных абменніках аднаго банка курсы валют могуць адрознівацца.
Еўра выгадней за ўсё здаваць у «БНБ Банк», «Статусбанк» — 3,471 рубля.
Нагадаем, у Беларусі захоўваюцца складанасці з наяўнымі еўра ў звароце. Многія банкі цяпер прадаюць толькі тыя банкноты, якія здаюць іншыя кліенты.
Найвышэйшы курс продажу банкамі даляра — 3,21 рубля («Беларусбанк»), а найніжэйшы — 3,18 рубля («Парытэтбанк», «Статусбанк», «Тэхнабанк»).
Выгадней за ўсё здаваць амерыканскую валюту ў «БНБ-Банк», «Тэхнабанк» — 3,175 рубля.
Самы высокі курс продажу банкамі расійскага рубля — 3,4 рубля за 100 расійскіх рублёў («Банк Рашэнне», «МТБанк»), а самы нізкі — 3,29 рубля («Банк БелВЭБ», «Статусбанк», «Тэхнабанк», «Цэптэрбанк»).
Амаль усе банкі прымаюць расійскія рублі па 3 рублі (выключэнне — «Парытэтбанк» — 2,9995 рубля).
Нагадаем, праз прыкметную разбежку ў курсах куплі і продажу беларускімі банкамі расійскіх рублёў у Telegram з’явілася некалькі чатаў па абмене валюты ў Беларусі. Іх карыстальнікі размяшчаюць абвесткі пра куплю і продаж. У назве аднаго з такіх чатаў згадваецца прозвішча экс-старшыні Нацбанка Пятра Пракаповіча, які ў 2014 годзе заявіў, што дэвальвацыі не будзе, але яна здарылася.
Чытайце таксама
