Падаткавікі нагадалі, каму і калі трэба аплаціць абавязковы збор за здачу жылля. Ёсць катэгорыя ўладальнікаў нерухомасці, якую вызваляюць ад гэтых выплат.
У Міністэрстве падаткаў і збораў Беларусі паведамілі, што абавязковы падаходны падатак за здачу жылля трэба плаціць незалежна ад таго, складзеная дамова з кватэранаймальнікам ці не.
Ад гэтых выплат вызваляецца ўладальнік жылля, які здае яго маладым спецыялістам ці маладым рабочым (службоўцам). Каб атрымаць гэтую льготу, спатрэбіцца падаць дакументы, якія пацвярджаюць, што арандатары трапляюць пад гэтыя катэгорыі.
Падаткавікі адзначылі, што стаўкі падаходнага падатку вызначаныя за кожны арэндны пакой. Калі жылое памяшканне аддаецца пад пражыванне не на ўвесь месяц, падатак выплачваецца прапарцыйна колькасці дзён арэнды жылога памяшкання.
Выплачваць падатак за першы месяц трэба не пазней за працоўны дзень, які ідзе за днём здачы ў арэнду жылля. За наступныя месяцы — не пазней за першы працоўны дзень месяца.
Стаўкі падатку залежаць ад рэгіёна. Так, з лютага да снежня 2024 года за здачу ў арэнду ў Мінску гэта 47 рублёў, у Брэсце, Віцебску, Гомелі, Гродне, Магілёве, а таксама Мінскім раёне — 44 рублі (за 1 пакой). У некаторых іншых гарадах Беларусі, напрыклад, у Баранавічах і Навагрудку, плата складае 29 рублёў, а ў драбнейшых — ад 15 да 21 рубля.
Чытайце таксама
