Беларускі рыэлтар Яўген Хлапецкі расказаў пра незвычайнае жыллё, якое не так даўно з’явілася ў сталічным «Мінск Міры». Паводле яго словаў, людзі «замест банка нясуць туды свае грошы», бо разумеюць, наколькі гэта можа быць выгадна. Сакрэт просты: кватэры ўяўляюць сабой аб’екты нежылы нерухомасці, у якой афіцыйна дазволена жыць, піша Telegraf.news.
Эксперт патлумачыў: такія кватэры ў «Мінск Міры» лічацца апартаментамі, дзе можна афіцыйна жыць (у тым ліку з рэгістрацыяй). Гэтае права асобным указам у сакавіку 2024 года даў Аляксандр Лукашэнка. Пры гэтым фактычна аб’екты ўсё роўна лічацца камерцыйнымі, дзе многія нормы, у адрозненне ад звычайнага жылля, не дзейнічаюць. Напрыклад, калі гаворка пра правядзенне якіх-небудзь шумных работ.
«Цяпер гэтыя кватэры прадаюць па прывабнай цане. Але пытанне ў тым, якія будуць камунальныя плацяжы. Хутчэй за ўсё — як у камерцыйнай нерухомасці. Плюс яшчэ адно пытанне. Калі мы прадаём звычайную кватэру ў Мінску, у нас ёсць падатковая льгота (раз на пяць гадоў беларусам дазволена прадаць жыллё без выплаты падаходнага падатку). Тут жа такая мера дзейнічаць не будзе», — патлумачыў Яўген Хлапецкі.
Пры гэтым ён адзначыў, што шматпавярхоўкі ў «Мінск Міры» — «усё ж не зусім стандартнае жыллё», а «нешта пасярэдзіне». Так ці інакш, асноўным плюсам рыэлтар назваў магчымасць пасуткавай арэнды кватэр, дзе фактычна можна шумець колькі ўлезе.
«Так, у гэтым плане могуць быць перавагі», — падкрэсліў спецыяліст.
Хлапецкі дадаў, што «Мінск Мір» — «гэта такі спосаб, куды беларусы цяпер замест банка нясуць грошы», намякаючы на выгаду набыцця апартаментаў.
«Здымалі ў „Мінск Міры“ кватэру на днях. Чутнасць — проста жэсць. Танная панелька, а пуху накідваюць як на элітнае», — падзяліўся асабістым меркаваннем адзін з карыстальнікаў TikTok, на што рыэлтар адказаў: «Па кожным доме і кватэры сітуацыя вельмі індывідуальная. У некаторых дамах гэтай праблемы няма».
